General Santos City–Nag tingkagol na karon sa selda sa Police Station 4 ang usa ka welder nga na ila nga si Helino Cortez, 42 anyos, nga nanimuyo sa Purok 6, Malayang Nayon, Barangay Mabuhay Gensan human nga nasikop sa gihimong ronsa sa kapulisan alas 4:00 ang takna sa kabuntagon.
Sumala pa ni PO1 Rogelio Caparoso Jr. , ang imbistigador sa Police Station 4 nga nakuha sa panimalay sa nangpit nga suspect ang 5 ka mga sachet sa gituohnag shabu nga naka butang sa sundlanan ug candy nga gitago sulod mismo sa usa ka base.
Dugang pa ni PO1 Caparuso nga wala matud pa nakabutang sa ilahang watch list ang nasangpit nga suspect apan nagagawas matud pa ang pangalan niini sa mga una nang dinakpan sa kapulisan.
Hinungdan nga gipahigayunan ug surveillance sa kapulisan ug sa dihang na komperma nga aduna kiniy kalambigitan sa iligal nga droga gilayon kining giaplayan ug search warrant.
Kasong kalapasan sa RA 9165, sec 11 ang atubangon sa nasangpit nga suspect. (Dave Silagan)
