White Alert Status, ginpasaka sang DOH sa Western Visayas sa tunga sang pamahog sang paglapta sang coronavirus sa pungsod!

736

Roxas City, Capiz- Ginpasaka na sang Department of Health(DOH) ang white alert status sa Western Visayas sa tunga sang pamahog sang coronavirus sa pungsod.

Sa nasambitan nga alerto, ang tanan nga ospital kag iban pa nga health facilities sa rehiyon ang gina-require nga makig-angut kag insigida nga mag-report sa DOH kun may yara sang suspected cases sang Novel Corona Virus.


Kadungan sini, nag-issue man si DOH regional director for Western Visayas Dr. Marlyn Convocar sang memorandum para sa mga gobernador sang mga probinsya sang Aklan, Antique, Capiz, Guimaras, Iloilo, kag Negros Occidental nga suportahan ang order sang DOH.

Ginpaguha ang white alert status matapos nga maharang ang pila ka mga Chinese national nga sakay sa eroplano nga halin sa Wuhan, China kun sa diin nakitaan ang mga ini sang simtomas.

Mahibaluan nga ang Kalibo International Airport ang may yara sang direct flights halin sa central Chinese city sang Wuhan sa diin ginapahayag una naghalin ang outbreak sang amo nga balatian.

Facebook Comments