Wing Van nga may mga kargang feeds nahueog sa pil-as, driver ag pahenante patay

26

Nabas, Aklan — Patay rong driver ag pahenante it sangka wing van matapos nga mahueog sa pil-as kaina it aga-aga sa kilid it national highway kung Brgy. Libertad (Tulingon) Nabas, Aklan.
Rong driver nakilaea kay Juan Nolly Mandal Francisco, 55-anyos it Brgy. Caano, Kalibo samtang ro anang pahenante hay uwa pa makilaea.
Ro nasambit nga wing van hay may pangaean nga L.A. Dry Goods Marketing nga may kargang mga feeds.
Base sa inisyal nga imbestigasyon hay halin rong wing van sa Caticlan paadto it Numancia apang pag abot sa paubuson nga parte it karsada hay sumunggab raya sa railings ag nahueog sa pil-as.
Una nga narescue rong driver ag gindaea sa hospital pero gindeklara nga dead on arrival samtang rong pahenante hay nabuhayan pa nga mabuoe bangud napintae raya sa tunga.
Gin gamitan pa it loader ag backhoe para maalsa ro truck.
Kaparte ko mga nagpatigayon it pag rescue hay rong Nabas PNP, MDRRMO Nabas, MDRRMO Malay, Bureau of Fire Caticlan ag PDRRMO Aklan.
Sa makaron nagapadayon pa rong imbestigasyon it mga otoridad sa nasambit nga insidente.

Facebook Comments