Women empowerment dakung hagit

Davao City – Aduna nay kalamboan sa han-ay sa kababayen-an karon kung itandi sa mga nakalabay’ng panahon nunot niining paghandum sa ika-109th International Women’s Day Celebration.

Sumala ni Jeaneth Ampog, Executive Director sa Talikala Inc.,usa ka non-government organization nga nagpakabana sa mga katungod sa kababainhan ug kabataan, aduna nay pag-angat tungod sa mga balaud nga nahimo alang sa proteksyon sa mga babaye karon.

Apan gipasabot ni Ampog nga luyo sa maong mga balaud, daghan gihapong mga babaye ang biktima sa pagpang-abuso sulod sa ilang kaugalingong panimalay.


Samtang sa hisgutanang trabaho ug pulitika, mas daghan gihapon ang oportunidad nasakmit sa kalalakihan kung ikumpara sa kababainhan.

Tungod niini, gitataw sa Talikala director nga nagpabilin gihapong dakung hagit sa gobyerno ang tinuod nga sitwasyon sa mga women sector karon luyo sa gipatumang mga palisiya, programa ug serbisyo.

RadyoMaN Bernard Pantallon

Facebook Comments