Wreathlaying ceremony sa atubang sang monumento ni late President Manuel Roxas sa public plaza, ginpatigayon kaina sang aga!

Roxas City, Capiz- Ginpatigayon kaina sang aga ang wreathlaying ceremony sa atubang sang monumento ni the late President Manuel A. Roxas sa public plaza.
Ini ang kaangut sa ika-71 nga death anniversary sang anay presidente.
Antes sini, may yara anay sang ginpatigayon nga misa sa Immaculate Concepcion Metropolitan Cathedral alas 8:30 sang aga.
Yara nagtambong si Mrs Judy Araneta- Roxas, Israel Ambassador to the Philippines Effie Ben Matityau, Governor Antoniuo del Rosario, Roxas City Vice Mayor Erwin Sicad, City Councilors Jun Sumcad, Atty. Garry Potato, Dr Cesar Yap, Board Member Ricky Martin kag iban pa. Sa madumdoman, gindeklarar nga Special Non-Working Holiday ang Abril 12, 2019 sa bilog nga Roxas City kag probinsya sang Capiz bangud sa pagkomemorar sa President Manuel A. Roxas Memorial Day ukon ang death anniversary sang anay presidente.
Ini ang base sa RA 9217 ukon “AN ACT DECLARING APRIL 15 OF EVERY YEAR AS PRESIDENT MANUEL A. ROXAS MEMORIAL DAY”. Nahibaloan nga base man sa nasambitan nga laye, ginasaad nga mahimo ibutang sa pinakamalapit nga Biernes nga adlaw ang special non-working holiday sa baylo nga sa orihinal nga petsa nga Abril 15.

Facebook Comments