Roxas City, Capiz – Gindomina sang probinsya sang Iloilo ang una nga adlaw sang WVRAA Meet 2019 nga ginapatigayon sang Villareal Stadium, Roxas City.
Ini matapos nga nagkamada sang kabug-osan nga 12 ka bulawan nga medalya kun sa diin lunsay diri ang nakuha sa patag sang wrestling.
Base sa validated nga data halin sa media center sang WVRAA 2019 sa elementary level ang Aklan ang may yara sang isa ka gold medal, Iloilo may yara sang tig-isa ka silver kag bronze medal.
Sa secondary level, ang Iloilo ang nagapanguna nga may 12-gold, 5-silver, 2-bronze; nagpangaduha ang Aklan nga may 4-gold, 13-silver, 1-bronze; ang Negros Occidental ang nagpangatlo nga may yara sang 4 gold, 1 silver.
Ang Capiz ang nagapang-apat nga may yara sang duha ka mga bulawan nga medalya sa paragames pinaage kanday Mar E-Kent Elequillo kag Milady Villaruel para sa ParaGames-Bocce events.
May isa man ka bronze medal ang Capiz sa High Jump Secondary Boys pinaage kay Miles Buenafe.
Ang probinsya sang Guimaras ang may yara sang isa ka silver medal samtang ang Antique ang may yara sang isa man ka bronze medal.
