Nakasulod sa top 10 sang Licensure Examination for Teachers ukon LET-Elementary level ang graduate sang West Visayas State University sa Distrito sang Lapaz.
Yara sa top 6 sang nasambit nga pasinawan si Dhaenalene Quiniones Evangelista nga nakakuha sang 91.80% nga rating.
Nahibaluan nga naglab-ot sa 19,659 ang nakapasar sa LET elementary level gikan sa masobra 72,054 ka mga nagkuha sang pasinawan sang bulan sang marso sini nga tuig.
Samtang sa Secondary level, naglab-ot man sa 22, 271 ang mga nakapasar gikan sa 85,823 ka mga examinees.
Gintalana naman sang Professional Regulation Commission ukon PRC ang pag-isyu sang PRC ID kag certificate of registration sa Hunyo 4 tubtub 11, 2019 para sa elementary level kag sa Hunyo 13 tubtub 28, 2019 naman para sa Secondary level.
