WVSU PRESIDENT DR. LUIS SOROLLA, NAGALAUM NGA MAAPROBAHAN SANG CHED ANG ILA PLANO NGA MAGBUKAS SANG COLLELE OF LAW.

Nagalaum si Dr. Luis Sorolla, Presidente sang West Visayas State University nga aprobahan sang Commission of Higher Education ang ila plano nga magbukas sang College of Law sa WVSU.

Ini matapos ginpasar sang City Council ang resolusyon nga naga-endorso sa CHED sang nasambit nga plano sang WVSU.

Suno kay Sorolla nga pinaagi sa endorsement sang city Council, makabulig ini para mapadasig ang pag-aprobar sang Legal Education Board kag pag-endorso man sini sa Commission on Higher Education.


Nahibaluan suno kay Sorolla nga sa karon, lunsay mga private nga Unibersidad pa lamang ang naga-offer sang kurso nga Law sa siyudad sang Iloilo.

Sa tion nga maaprobahan sang CHED ang pagabuksan nga kusro sa WVSU, madamo naman nga mga ilonggo nga luyag mangin abogado ang maka-eskuwela sa isa ka State University.

Facebook Comments