Yara sa 114 ka mga kabataan edad 0 tubtob 59 ka bulan target sa ipatigayon massive vaccination kontra polio, IPHO ginsiguro nga safe ang polio vaccine.

Nagalab-ot sa 114,000 ukon 95 porsyento sang nasambit nga numero sang mga kabataan sa probinsya sang South Cotabato nga nagaedad sang 0 tubtob 59 ka bulan ang target sang Provincial Health Office sa ipatigayon nga Oral Polio Vaccination sa Nobyembre 25 tubtob Disyembre 7 subong nga tuig.
May-angot sini, ginaawhag ni Provincial Health Officer Dr. Rogelio Aturdido Jr. ang mga ginikanan nga ipaidalom gid sa oral polio vaccination ang mga kabataan nakumpleto man ukon wala ang bakuna kontra polio.
Ginsiguro man ni Dr. Aturdido nga wala sang dapat kabalak-an ang mga pumuluyo tungod safe ang vaccine kontra polio kag madugay na suno pa ini nga ginagamit.
Ang polio ang makakalalaton nga klase sang balatian kag pwede mangin kabangdanan sang pagkalupog, mabudlayan sa pagginhawa kag tunaan sang kamatayon. Makuha naman ang balatian nga polio sa pagkaon, pag-inom sang tubig kag iban pa nga ilimnon nga kontaminado sang higku nga may polio virus kag mas delikado dire ang mga kabataan.

Facebook Comments