Balik byahe na karong adlawa, Oktobre 19, 2020 ang operasyon sa Yellow Bus Line Incorporated sa tanan niining ruta sa tibuok rehiyon gawas lang sa Sarangani , kini human nga gitanggal na ang mga border lockdown.
Apan llimitado matud ang unit nila nga magbyahe, subay na usab sa pahayag ni YBL Operations Manager Boy Par. Sumala niini nga magdungag lamang sila ug unit depende sa demand sa pasahero.
Samtang dungan sa pag balik sa byahe sa YBL hugtanon gihapon nilang ipatuman ang mga health protocols sama sa pagsul-ob ug facemask ug faceshield, physical distancing, temperature check, ug uban pa aron nga ma proteksyonan ang mga pasahero.
Pahinumdom lang ni Par sa mga pasahero nga magdala ug mga importante nga kinahanglanon sa pagbyahe sama nalang sa ID ug contact tracing system card.
