YBL walay dispatchers report sa ilang byahe sa airport sumala sa terminal administrator

13

General Santos City—Walay ginahatag nga dispatchers report ug wala gakuha ug ticket sa buhatan sa City Public Terminal ang kompanyang Yellow Bus Line Inc. sa ilang byahe sa Gensan International Airport padulong sa Koronadal City, kini ang nahimong pagbutyag ni Jong Facurib ang terminal administrator sa Gensan City Public Terminal.

Sumala pa ni Jong Facurib nga nakalatid matud pa sa ordinansa sa syuda nga tanang mga public utility vehicle ang kinahanglan magkuha ug ticket sa ilahang opisina isip bayad usab sa mga nahisgutan sa ilahang pagbyahe pasulod ug gawas sa syudad.


Dugang pa niini nga hangtud sa kasamtangan wala pa silay nadawat nga dispatchers report sa nasampit nga kumpanya kabahin na sa ilahang mga byahe sa airport.

Samtang gina-andam na sa pamunuan sa Gensan City Public Terminal ang ilahang ihatag nga sulat sa pamunuan sa maong bus company diin nakalatid niini ang pagmando kanila nga muhatag sa ilahang dispatcher’s report aron nga ilang masingil ang angayan nilang bayran sa LGU Gensan.(Dave Silagan)

Facebook Comments