Yolanda lesson: Pagpangandam vs kalamidad

6

Davao City – Dunay mga nakat-unang leksyon sa mga nasinatiang mga kalamidad sama sa Bagyong Yolanda lima na ka tuig ang nakalabay ug uban pa kabahin sa pagpangandam kung unsay himoon.

Sumala ni Stephen Monterola, Disaster Operation Center ug Operation & Warning System Head sa Davao City Disaster Risk Reduction Management Office (CDRRMO), usa sa ilang ginahimo nga pagpangandam kung dunay mga pagbaha nga matigayon mao ang ‘Pro-active approach’ diin bout pasabot wala pa ang kalamidad nangandam na, nagpahigayon og information drive, educational campaign sa mga kabaranggayan, opisina ug uban pang mga establisemento aron mamahimong andam ang katawhan sa syudad sa Davao.

Gipasabot ni Monterola, gihimo nila karon ang Disaster Operation Center sa matag barangay gawas sa syudad, mga kagamitan sa komunikasyon nga direktang makatawag sa mga barangay, Early Warning System sama sa mga sinage, siren ug City-wide Early Warning Siren nga maoy patingugon nga mabati tibuok syudad kung dunay kalamidad nga mahitabo, ug nagpahigayon og mga training sa mga capable responders ug uban pa nga matang sa pagpangandam.

RadyoMaN Bernard Pantallon

Facebook Comments