Yours Truly iFM April 10 Tuesday

Yours Truly iFM
April 10, 2018
With RadyoMaN DJ Kat And RadyoMaN Bruno Banana
(Photo from web / No Copyright Infringement)

Dear iFM,

Maayong hapon sa inyo tanan!


Ako gali si Loida mga bestfriends kag may problema ako nga gusto ko gid pangayuan sang advice sa inyo.

Bugtong ako nga anak kag sang napatay si nanay, ginkuha ko si tatay para sa amon na lang mag-istar.

Ugaling, indi sila mag-intindihanay sang akon bana mga bestfriends kay si tatay gaulianon na kag ang akon bana masabad man kung mahubog.

Isa ka beses nagba-is sila nga duha kag ginlampusan sang akon bana si tatay. Maayo na lang kay nasagang sang amon bata.

Nag-away kami sang akon bana kag gusto niya nga pangitaan si tatay sang ilistaran nga iban. Pero, paano na lang mga bestfriends kay isa lang ako nga pamilya ni tatay. Diin ko siya paistaron?

Nabutang gid ako sa tunga-tunga kag nagalibog ang ulo ko kung sin-o sa ila nga duha ang pasulabihon ko.

Kinahanglan ko gid ang inyo advice.

Yours Truly,

Loida

Facebook Comments