Davao City – Gikatakdang sa ikatulong semana karong bulana i-anunsyo na sa mga kumpanya sa bus ang schedule sa ilang biyahe atol sa Pasko ug Bag-ong Tuig.
Sa pakighinabi sa DXDC RMN Davao kang Aiza Yusop, General Manager sa Davao City Overland Transport Terminal (DCOTT), gibutyag niini nga sama sa Undas, posible nga ang mga gagmayng bus lamang ang dili mubiyahe apan ang mga dagko nga bus nagabiyahe gihapon depende usab sa dagsa sa mga pasahero.
Samtang sa seguridad nga ipatuman, gibutyag ni Yusop nga iyaha nang gipulong ang iyahang mga security personnel kauban ang team leader sa Task Force Davao.
Susama usab sumala pa ang kahugot sa seguridad nga ilang gi-implementar sa Undas ang ilang ipatuman sa Pasko ug Bag-ong Tuig ug gikatakdang mag-request pa og dugang tropa aron masiguro nga hapsay ug malinawon ang mga biyahe.
Sa karon, normal pa ang biyahe sa mga sakyanan sa DCOTT matud ni Yusop.
RadyoMaN Kirby Manzon
