Mihakot ug 88 ka bulawang medalya ang Zamboanga del Sur delegation sa bag-o pa lamang nga gitak-upang Zamboanga Peninsula Regional Athletic Association Meet nga gipahigayon sa siyudad sa Dipolog.
Nakuha sa probinsya ang second place sa overall results sa gihahigayong regional competition diin nagsunod kini sa delegasyon sa Zamboanga City nga misungkit ug 94 ka gold medals.
Ang Zamboanga del Sur maoy champion sa elementary level category samtang second placer kini sa secondary level category ug 3rd placer sa paralympics category.
Gidayeg sa kagamhanang probinsyal ang nakab-ot nga dungog sa mga atletang Zambosurian bisan pa man nga unang tuig pa kini sa bag-ong administrasyon sa pagpamuno ni Gov. Victor Yu.
Facebook Comments
