Zaneco GM Laput nagpagawas ug memo may kalabot sa matod pa pag privatize sa mga electric coop

Dipolog City-Kagahapong adlawa nagpatawag ug presscon ang Zamboanga del norte Electric Cooperative (Zaneco) pinaaagi ni GM Adelmo Laput.

Kini may kalabot sa sitwasyon sa ZANECO ug sa umaabot pa nga panahon ilabi na nga daghan ang interesadong mga negosyante sa natad sa kuryente, gani ning bag-ohay lang adunay mga pribadong indibidwal ang nangaplay ug prangkisa sa kongreso para makasulod sa electric coop.

Gawas niana ang kalihim sa Department of Energy nga si Alfonso Cusi adunay pamahayag nga matod pa ang mga electric cooperative ibaligya sa mga oligarch.


Mao nga nag isyo ug memorandum si GM Laput para mo protesta tungod kay dili matod pa kini makatarungan kay kung buot huna-hunao aduay 105 ka mga performing cooperative sa tibuok nasud kumpara sa 17 ka mga non performing unya anginon tanan.

Mao nga naningkamot siya ilabi na gipasanginlan matod pa siya sa mga retiradong opisyal kanhi sa Zaneco nga kurakot, pero iyang gipaklaro nga layo nag na abot ang zaneco pinaagi sa iyang maayong pagdumala.

Nangita na karon siya ug pamaagi kun unsaon pagbangga ang mga hawod sa gahum para sa ilang personal nga interest ilabi na ang mga kapitalista nga gustong mo ilog sa mga kooperatiba sa kuryente.

Facebook Comments