‘Zero cost’ sa posibleng COVID-19 vaccine side effects gitun-an

21

Davao City – Lakip sa mga nahisgutan atol sa unang committee hearing sa lokal nga panggamhanan uban ang mga health experts alang sa preparasyon sa dakbayan sa Davao sa mahitabong COVID-19 vaccination mao ang walay mabayran ang mga vaccine recipients kung aduna kiniy adverse effects o side effects sa bakuna.

Sa interbyu sa RMN Davao kang Councilor Mary Joselle Villafuerte, Committee on health chair sa 19th City Counci, kini ang gustong paniguraduhon nga kung aduna epekto ang bakuna wala nay hunahunaong bayrunon sa pagpatambal ang pasyente.


“I want to be able to assure the public na whatever happens if there’s a side effects or adverse effects they will not shoulder the cost,” gibutyag niini.

Gituki usab sa maong committee hearing ang maglangkob sa Adverse Events Following Immunization Committee (AEFIC) kinsa maoy mututok sa mga side effects ug dinhi ma-report ang COVID-19 related incidents subay sa mamahimong tambag gikan sa Regional ug National AEFI.

“They should be experts; they should understand the confidentiality, the data privacy act. They should be trained,” sumala ni Villafuerte.

Matud ni Villafuerte nahisgutan ang pondo kung ma-ospital ang ‘vax recipient’ tungod sa side effects ug pagbansay sa mga vaccinators ug mamahimong liability inkaso’g adunay mahitabong adverse effect ngadto sa gibakunahan.




RadyoMaN Aimee Guinita

Facebook Comments