Zero firecracker incident tinguha sa Davao

Davao City – Buot karon sa Davao City Police Office (DCPO) nga walay magsaulog sa New year sulod sa prisohan.

Gumikan niini, subling nagpahimangno karon ni DCPO chief Sr. Supt. Alexander Tagum sa katawhan nga likayan ang paggamit og firecrackers atol sa pagsugat sa Bag-ong Tuig gani mugamit nalang og laing butang sa pagsaba-saba sama sa torotot.

“Sa tanang residente sa Davao City ug sa mga bisita nato na wala kabalo, gusto namo nga mag enjoy mo sa moabot nga New Year karong gabii as much as possible di namo gusto nga ibutang mo sa prisohan para didto mo mag New Year kay lain kaayo maong paghuna-huna unta mo sa pipila kahigayon palihog lang,” bahad niini.


Samtang gi-awhag usab ni Tagum ang tanan kinsa makadungog og pabuto sa ilang mga lugar nga makig-alayon sa pinakaduol nga Police Stations aron marespondehan gilayon ug masikop ang mga malapason sa firecracker ban.

RadyoMaN Jason Amisola

Facebook Comments