𝗔𝗡𝗜𝗠 𝗡𝗔 𝗣𝗜𝗦𝗢𝗡𝗚 𝗕𝗔𝗪𝗔𝗦 𝗦𝗔 𝗣𝗥𝗘𝗦𝗬𝗢 𝗡𝗚 𝗕𝗜𝗚𝗔𝗦 𝗞𝗔𝗗𝗔 𝗞𝗜𝗟𝗢 𝗦𝗔 𝗟𝗢𝗢𝗕 𝗡𝗚 𝗗𝗔𝗟𝗔𝗪𝗔𝗡𝗚 𝗟𝗜𝗡𝗚𝗚𝗢, 𝗡𝗔𝗥𝗔𝗥𝗔𝗡𝗔𝗦𝗔𝗡 𝗦𝗔 𝗜𝗟𝗔𝗡𝗚 𝗣𝗔𝗠𝗜𝗟𝗜𝗛𝗔𝗡 𝗦𝗔 𝗟𝗔𝗟𝗔𝗪𝗜𝗚𝗔𝗡

Nasa anim na piso na ang binawas sa presyo ng bigas kada kilo sa loob ng dalawang linggo sa ilang pamilihan sa lalawigan ng Pangasinan.

Malaking bahagi ang bawas presyo na ito lalo umano sa mga manggagawang sapat lamang ang sinasahod at para may nakahain na lutong kanin sa loob ng kanilang mga tahanan.

Sa ilang bayan tulad sa ilang pamilihan sa Calasiao, makikitaan ang mga ito ng nasa ₱48 kada kilo ng bigas kung ikukumpara umano dati na nasa ₱50 at higit pa ang kada kilo.

Sa mga susunod na linggo, asahan pa umano ang pagbaba pa ng presyo ng bigas sa mga pamilihan ayon sa mga rice retailers dahil sa patuloy na pag-aani ngayon ng palay ng mga magsasaka. |𝙞𝙛𝙢𝙣𝙚𝙬𝙨