Cauayan City – Pormal na pinasinayaan ang bagong Social Welfare and Development (SWAD) Satellite Office sa Isabela Provincial Capitol Compound.
Personal na dumalo sa programa sina DSWD Secretary Rex Gatchalian, Governor Rodito Albano III, Congressman Allan Ty, at DSWD Field Office 2 Regional Director Lucia Suyu-Alan.
Ang gusali ay ipinagkaloob ng Pamahalaang Panlalawigan ng Isabela bilang bahagi ng layuning mapalapit sa mamamayan ang mga serbisyong panlipunan ng Department of Social Welfare and Development.
Sa pamamagitan ng bagong tanggapan, mas mapapabilis at mapapadali ang pag-access ng mga nangangailangang Isabelino sa tulong ng pamahalaan, habang nababawasan ang gastos s at oras sa pagbiyahe.
Ayon kay Gatchalian, malaking tulong ang pagkakaloob ng buong gusali upang mas mapatatag ang pagbibigay ng serbisyo publiko alinsunod sa layunin ng administrasyon na ilapit ang gobyerno sa mamamayan.
Samantala, sinabi ni Gov. Albano na mahalaga ang pagkakaroon ng mga lider na may malasakit at nakatuon sa paghahanap ng solusyon para sa kapakanan ng kanilang nasasakupan.
