𝗕𝗔𝗡𝗚𝗞𝗔𝗬 𝗡𝗚 𝗜𝗦𝗔𝗡𝗚 𝗠𝗔𝗚𝗦𝗔𝗦𝗔𝗞𝗔 𝗡𝗔𝗞𝗜𝗧𝗔𝗡𝗚 𝗣𝗔𝗟𝗨𝗧𝗔𝗡𝗚-𝗟𝗨𝗧𝗔𝗡𝗚 𝗦𝗔 𝗜𝗟𝗔𝗟𝗜𝗠 𝗡𝗚 𝗧𝗨𝗟𝗔𝗬 𝗦𝗔 𝗦𝗔𝗡 𝗠𝗔𝗡𝗨𝗘𝗟, 𝗣𝗔𝗡𝗚𝗔𝗦𝗜𝗡𝗔𝗡

Natagpuan ang bangkay ng isang 52 anyos na lalaki na palutang-lutang sa ilog sa ilalim ng Don Moteo Bridge at Zone 5, San Bonifacio, San Manuel, Pangasinan.

Ayon sa San Manuel Municipal Police Station, nakatanggap sila ng impormasyon na may lumulutang na bangkay sa lugar na namataan ng isang college student.

Kinumpirma naman ng anak ng biktima na ito ay kanilang ama na residente rin sa lugar.

Aniya, Nagpunta ito sa kanilang kaanak upang makipag-inuman ngunit hindi na ito nakabalik sa kanilang bahay. Bago umalis, nakainom na ang biktima.

Nagsagawa ng retrieval operation ang awtoridad upang makuha ang bangkay ng biktima.
Dinala pa ito sa ospital ngunit idineklarang dead on arrival. |𝙞𝙛𝙢𝙣𝙚𝙬𝙨