Cauayan City – Nilagdaan ng Pamahalaang Lungsod ng Cauayan at ng Cagayan Valley Disaster Risk Reduction and Management (DRRM) Council ang isang memorandum of agreement sa The Maximilian Hotel bilang hakbang upang palakasin ang kanilang pagtutulungan sa larangan ng disaster preparedness at response.
Pinangunahan ni Mayor JC Dy ang paglagda sa panig ng LGU Cauayan, habang si Dir. Leon DG Rafael Jr. ang kumatawan sa Cagayan Valley DRRM Council at Office of Civil Defense Region 2.
Dumalo bilang mga saksi sa pirmahan ang ilang opisyal at stakeholders, kabilang sina Cauayan City DRRM Officer Ronaldo D. Viloria at Ronald L. Villa ng DRRM Region 2, pati na rin ang mga alkalde mula sa iba’t ibang bayan sa lalawigan.
Kabilang sa mga pangunahing probisyon ng MOA ang mas epektibong paggamit ng mga kagamitan at resources, gaya ng Mobile Command and Control Vehicle (MOCCOV) na nasa pangangalaga ng lungsod.
Layunin ng kasunduan na higit pang paigtingin ang kahandaan sa sakuna at mapahusay ang mga operasyon sa pagtugon sa ilang mga emergency disaster response sa lungsod at karatig na lugar.
Source: Cauayan City Local Government
—————————————
Para sa update at iba pang mga balita, bisitahin ang aming facebook page 98.5 iFM Cauayan at ang aming website, www.rmn.ph/985ifmcauayan.
#985ifmcauayan
#idol
#numberone
#ifmnewscauayan
