𝗖𝗢𝗡𝗦𝗧𝗥𝗨𝗖𝗧𝗜𝗢𝗡 𝗪𝗢𝗥𝗞𝗘𝗥 𝗡𝗔 𝗨𝗠𝗜𝗜𝗡𝗢𝗠 𝗡𝗚 𝗔𝗟𝗔𝗞 𝗦𝗔 𝗛𝗔𝗥𝗔𝗣 𝗡𝗚 𝗕𝗔𝗛𝗔𝗬, 𝗣𝗜𝗡𝗔𝗚𝗕𝗔𝗕𝗔𝗥𝗜𝗟

Patay ang isang 32 anyos na lalaki sa Brgy. Pangaoan, Rosales matapos pagbabarilin sa harap ng kaniyang bahay.

Ayon sa pulisya, pasado alas sais ng gabi nang mangyari ang pamamaril sa biktima.

Mag-isa umano itong umiinom ng alak sa harap ng kaniyang bahay nang pagbabarilin ng mga hindi pa nakikilalang suspek na lulan ng motorsiklo.

Tinamaan ito ng bala ng baril sa kaniyang ulo at ibang parte ng katawan na dahilan ng kaniyang pagkamatay.

Lumalabas sa imbestigasyon na ang ginamit sa pamamaril ay caliber 45. Nagpapatuloy ang imbestigasyon sa insidente. |𝙞𝙛𝙢𝙣𝙚𝙬𝙨