Arestado ang isang aktibong miyembro ng Philippine National Police at isang street level individual sa usapin ng illegal drugs sa bayan ng Asingan matapos silang maaktuhang nag transaksyon ng illegal drugs.
Ang mga suspek ay nakilalang sina Police Corporal Rodolfo Patricio residente ng Urdaneta City at naka-assign sa Sta Maria PNP at Edmar Padua Alyas ‘Puto’ residente ng bayan ng Asingan.
Ayon sa impormasyon, nagsasagawa noon ng monitoring at balidasyon ang Municipal Drug Enforcement Team ng PNP laban Kay Padua kung saan ay magkakasa sana ng buy bust operation nang makita itong katransaksiyon si Patricio at may inabot itong plastic sachet ng hinihinalang shabu sa Pulis.
Nang lapitan ng mga pulis ang dalawa ay agad na tumakas si Patricio sakay ng sasakyan habang nacorner agad nahuli si Padua.
Nakuha mula kay Padua ang isang sachet ng hinihinalang shabu na tumitimbang ng kalahating gramo na nagkakahalaga ng mahigit tatlong libong piso.
Samantala, agad naman nagsagawa ng drug net operation na nagresulta sa pagkakahuli kay Patricio kasama ang Isang 9mm Caliber na baril.
Nahaharap na ngayon sa kaukulang kaso ang mga suspek. |𝙞𝙛𝙢𝙣𝙚𝙬𝙨
