𝗚𝗜𝗡𝗔𝗡𝗚, 𝗡𝗔 𝗡𝗔𝗚-𝗦𝗛𝗢𝗣𝗟𝗜𝗙𝗧 𝗦𝗔 𝗜𝗦𝗔𝗡𝗚 𝗠𝗔𝗟𝗟, 𝗛𝗨𝗟𝗜 𝗦𝗔 𝗔𝗞𝗧𝗢

Mamahaling gatas, pagkain at pabango ang ilan lamang sa narekober ng awtoridad sa isang ginang na nag-shoplift sa isang mall sa Brgy. Nanacayasan Urdaneta City.

Kinilala ng pulisya ang suspek na 44 anyos mula sa Pasay City.

Ayon sa inisyal na imbestigasyon ng pulisya, bistado ng on duty na guard ang paglalagay ng grocery items sa bag ng suspek.

Sinubukan pang tumakbo nito palabas ng pamilihan ngunit hinarang ng guwardiya. Aabot sa mahigit apat na libo ang nakumpiska sa bag ng suspek. Haharap ito sa kaukulang kaso. |𝙞𝙛𝙢𝙣𝙚𝙬𝙨