‎“𝗚𝗢𝗟𝗗𝗘𝗡” 𝗡𝗚 𝗞𝗣𝗢𝗣 𝗗𝗘𝗠𝗢𝗡 𝗛𝗨𝗡𝗧𝗘𝗥𝗦, 𝗣𝗔𝗡𝗔𝗟𝗢 𝗦𝗔 𝗚𝗥𝗔𝗠𝗠𝗬

‎Cauayan City – Muling umani ng atensyon sa mundo ng showbiz ang K-pop matapos magwagi ng Grammy Award ang kantang “Golden” mula sa pelikulang KPop Demon Hunters.
‎
‎Ito ang kauna-unahang K-pop song na nagkamit ng parangal sa Grammy, bagay na agad naging usap-usapan sa international entertainment scene.
‎
‎Inawit ng fictional group na Huntr/x, tinanghal ang kanta bilang Best Song for Visual Media sa ginanap na awards night sa Los Angeles at nominado rin ito sa Song of the Year.
‎
‎Matapos ilabas noong Hunyo, naging pinaka-pinapanood sa Netflix ang KPop Demon Hunters na may higit 480 million views.
‎
‎Nanguna rin sa Billboard charts ang soundtrack, patunay ng patuloy na paglawak ng impluwensiya ng K-pop sa global showbiz industry.