Mahigpit na tinututukan ngayon at pinaiiral alinsunod sa Dagupan City Ordinance No. 1929-09, ang mga karampatang multa nang sino man na nahuling nagtatapon o maling disposisyon ng basura.
Sa insidenteng naganap sa kahabaan ng Arellano St. Brgy. Pantal, dalawang lalaki ang nahuli dahil sa hindi wastong pagtatapon ng basura.
Ipinahayag ng alkalde ng lungsod ang kagustuhang tuluyang maipasara ang dumpsite sa may Tondaligan Beach at mataos ang krisis na matagal nang kinakaharap ng Dagupan.
Paalala ni Dagupan City Mayor Belen Fernandez sa kanyang facebook post, “Ang pagkakalat, pagtatapon o pagtatambak ng mga basura sa mga pampublikong lugar tuladbng kalsada, kanal, estero o sa mga parke o ang pag udyok o pagbibigay pahintulot na gawin ito ay labag sa batas”.
Sa naturang ordinansa, magmumulta ng PHP300 para sa first offense, *₱*500 para sa second offense at *₱*1000 naman sa third offense o maaaring community service ng isa hanggang labing limang araw. |𝙞𝙛𝙢𝙣𝙚𝙬𝙨
