Muli na namang nagkainitan sa naganap na sesyon kahapon si Mayor Belen Fernandez at ilang miyembro ng majority councilors dahil sa nagpapatuloy na usapin sa nakabinbin pa ring supplemental budget.
Patuloy na kinukwesyon ng mayorya ang mga nilalaman ng supplemental budget, na pilit namang ipinapaliwanag ng alkalde dahil umano sa pagiging urgency ng mga ito.
Sa tulad ng mga ganitong pangyayari, may mga ilang investors umano ang nadidismaya na mag-lagak ng kanilang negosyo sa siyudad. Ayon sa alkalde, dismayado umano kasi ang mga ito sa pagpoproseso ng kanilang negosyo lalo na sa pakikipag-deal umano sa sanggunian.
Sa kabila nito binigyang diin naman ni Mayor Fernandez na nanatiling investor friendly ang siyudad at siniguro ang support ng investment and development board kung saan siya rin ang presiding officer. |𝙞𝙛𝙢𝙣𝙚𝙬𝙨
