𝗜𝗟𝗔𝗡𝗚 𝗜𝗦𝗟𝗔𝗡𝗗 𝗕𝗔𝗥𝗔𝗡𝗚𝗔𝗬𝗦 𝗦𝗔 𝗗𝗔𝗚𝗨𝗣𝗔𝗡 𝗖𝗜𝗧𝗬 𝗡𝗔 𝗡𝗔𝗔𝗣𝗘𝗞𝗧𝗨𝗛𝗔𝗡 𝗡𝗚 𝗛𝗔𝗕𝗔𝗚𝗔𝗧, 𝗡𝗔𝗞𝗔𝗧𝗔𝗡𝗚𝗚𝗔𝗣 𝗡𝗔 𝗡𝗚 𝗥𝗘𝗟𝗜𝗘𝗙 𝗚𝗢𝗢𝗗𝗦 𝗠𝗨𝗟𝗔 𝗦𝗔 𝗗𝗦𝗪𝗗

Tumanggap na ng relief goods mula sa Department of Social Welfare and Development Field Office 1 ang mga residente sa island barangay ng Dagupan City na naapektuhan ng Bagyong Carina.

Ang barangay Carael at Calmay na kabilang sa coastal areas ng lungsod ay nakaranas ng pagbaha dahil sa pagtaas ng tubig sa ilog dulot ng Bagyong Karina.

Ayon sa lokal na pamahalaan, ilan sa mga nabigyan ng food packs ng ahensya ay mga mangingisda dahil halos isang linggong natigil ang kanilang paghahanap buhay dulot ng bagyo.

Bukod sa food packs at namahagi rin ang LGU ng mga vitamins at doxycycline kontra leptospirosis.

Sa huling update ng DSWD FO1, nasa 1,410 ang kabuuang family food packs ang naibigay na tulong sa Dagupan City. |𝙞𝙛𝙢𝙣𝙚𝙬𝙨