Patuloy ang daing ng ilang konsyumer sa Dagupan City dahil sa patuloy na pagtaas ng mga pangunahing bilihin ngayon.
Isa sa patuloy na dinadaing ng mga ito ang patuloy na pagtaas ng presyo ng bigas kung saan umabot na sa ₱57 pataas ang magandang kalidad o uri nito.
Pati rin ang patuloy na serye ng pagtaas ng presyo ng krudo kung saan ilang linggo na ring nararanasan ng mga jeepney drivers at operators.
Dumagdag pa umano ang pagtaas din ng presyo ng sardinas, gatas, at sabon na siyang kapapatupad pa lamang ng DTI.
Samantala, sa survey na inilabas ng Pulse Asia kamakailan, lumalabas na 73% ng mga pilipino ang hindi umano kuntento sa aksyon na ginagawa ng gobyerno para lutasin ang patuloy na pagtaas ng presyo ng mga bilihin pati na serbisyo. |𝙞𝙛𝙢𝙣𝙚𝙬𝙨
