Nanawagan ngayon ang ilang magsasaka sa lalawigan ng Pangasinan na sana raw ay ayusin ng mga kinauukulan ang mga irigasyong hindi gumagana sa mga sakahan.
Sa naging panayam ng IFM News Dagupan kay Rolly Balansay ng Barangay Payas sa bayan ng Sta. Barbara na sana raw ay ayusin ang mga irigasyon malapit sa kanilang mga sakahan dahil hindi napapakinabangan ang mga ito.
Inihayag nito na dahil sa kawalan ng tubig sa irigasyong malapit sa kanila nahihirapan sila sa kanilang pagtatanim ng palay at mais sa dahil sa kakulangan ng tubig.
Aniya, mayroon namang tubig ngunit kailangan ng sandamakmak na krudo at sapat na pera para makapamili ng krudong gagamitin sa ilang araw na patubig.
Bagay din na nagpapahirap sa kanila ang hindi sapat na budget.
Kaya’t upang kahit papaano ay mabawasan ang kanilang mga nararanasang hirap sa pagtatanim ay ang panawagan nilang maaayos ang irigasyon malapit sa sakahan ang kanilang sigaw ngayon. |𝙞𝙛𝙢𝙣𝙚𝙬𝙨
