𝗜𝗟𝗔𝗡𝗚 𝗠𝗚𝗔 𝗣𝗢𝗢𝗞-𝗣𝗔𝗦𝗬𝗔𝗟𝗔𝗡 𝗦𝗔 𝗣𝗔𝗡𝗚𝗔𝗦𝗜𝗡𝗔𝗡, 𝗣𝗔𝗡𝗦𝗔𝗠𝗔𝗡𝗧𝗔𝗟𝗔𝗡𝗚 𝗜𝗦𝗜𝗡𝗔𝗥𝗔 𝗗𝗔𝗛𝗜𝗟 𝗦𝗔 𝗕𝗔𝗚𝗬𝗢𝗡𝗚 𝗘𝗡𝗧𝗘𝗡𝗚

Pansamantalang isinara sa publiko ang ilang mga pook pasyalan sa lalawigan ng Pangasinan bunsod pa rin ng nananatiling epekto ng Bagyong Enteng sa lalawigan.

Sa bayan ng San Quintin, sarado sa mga bisita at turista ang Dipalo River Park simula ngayong araw.

Sa bayan ng Bolinao, hindi muna pinahihintulutan ang pagligo sa Patar Beach at Bolinao Falls.

Sa Dagupan City, ipinagbabawal na rin ang pagpapalaot at pagligo sa Bonuan Tondaligan Beach.

Samantala, bagamat wala nang nakataas ng wind signal sa lalawigan ng Pangasinan ay patuloy pa ring mararanasan ang mga pag-uulan na pinapalakas ng southwest monsoon. |𝙞𝙛𝙢𝙣𝙚𝙬𝙨