Patuloy na nararanasan sa lalawigan ng Pangasinan ang magkakasunod na mga pag-uulan pagsapit ng hapon sa kabila ng nananatiling mataas na naitatalang heat index sa lalawigan.
Sa mga nailabas na Thunderstorm Advisory ng DOST-PAGASA, ilang mga bahagi sa probinsya ang nakararanas ng pag-ulan na may kasamang malakas na paghangin sa tuwing hapon.
Bagamat madalas ang pag-uulan ay nananatili pa ring mataas ang heat index kung saan ang forecast ngayong May 21 ay nasa 44 degree Celsius at sa nagdaang linggo, naglaro naman sa 42 hanggang 47 degree celsius ang naitala na heat index sa Pangasinan partikular sa Dagupan City.
Samantala, nauna nang inihayag ng PAGASA na aasahan na ang mas madalas pang mga pag-ulan sa hapon at gabi dahil tumaas ang occurrence of thunderstorm na hudyat ng papalapit nang wet season. |𝙞𝙛𝙢𝙣𝙚𝙬𝙨
