Hindi akalain ng magkaanak na dumayo sa Sitio Cabongaoan, Brgy. Ilio-Ilio, Burgos na mauuwi sa pagkasawi ng kanilang mga magulang ang family outing.
Mula pa sa Antipolo, Rizal ang mga biktima kinilala bilang sina Gonzalo at Emelita Magalang. Kasama din nila ang kanilang mga anak nang mangyari ang insidente.
Ayon sa salaysay ng kanilang anak, alas singko ng hapon nang maglakad lakad sa dalampasigan ng tinutuluyan ng beach resort ang pamilya hanggang sa napagdesisyunan nilang kumuha ng family picture sa tuktok ng isang rock formation malapit sa death pool.
Aksidente umanong nahulog sa tubig ang ginang kaya tumalon din agad ang asawa upang isalba ito. Tinangay ng malakas na agos ang mga ito dahilan ng kanilang pagkalunod.
Alas nuwebe ng gabi na iyon ay saka lamang naretrieve ang katawan ng mga biktima na isinugod pa sa pagamutan ng mga awtoridad ngunit idineklarang dead on arrival. |𝙞𝙛𝙢𝙣𝙚𝙬𝙨
