𝗠𝗘𝗗𝗜𝗖𝗔𝗟 𝗠𝗜𝗦𝗦𝗜𝗢𝗡, 𝗠𝗔𝗧𝗔𝗚𝗨𝗠𝗣𝗔𝗬 𝗡𝗔 𝗜𝗦𝗜𝗡𝗔𝗚𝗔𝗪𝗔 𝗦𝗔 𝗜𝗦𝗨-𝗔𝗡𝗚𝗔𝗗𝗔𝗡𝗔𝗡

CAUAYAN CITY- Naging matagumpay ang isinagawang Zonta Kalusugan: The Grand Medical Mission sa bayan Isabela State University-Angadanan Campus.

Ang naturang aktibidad ay naisakatuparan sa pagtutulungan ng Zonta Club of Makati Legaspi, Zonta Club of Isabela, Mu Sigma Phi Sorority Inc., SIMC, LGU Alicia, Isabela State University, at Local Government Unit of Angadanan.

Kabilang sa mga serbisyong inihatid ay ang libreng general check up, OB GYNE para sa mga buntis, eyes, ears, nose, and throat (EENT), at Derma.

Samantala, opisyal na nagsimula naman ang aktibidad ng alas otso ng umaga hanggang alas singko ng hapon kung saan personal na dumalo si Municipal Mayor Joelle Mathea Panganiban.