𝗠𝗚𝗔 𝗖𝗢𝗡𝗦𝗨𝗠𝗘𝗥𝗦 𝗦𝗔 𝗟𝗨𝗡𝗚𝗦𝗢𝗗 𝗡𝗚 𝗗𝗔𝗚𝗨𝗣𝗔𝗡, 𝗜𝗡𝗔𝗔𝗦𝗔𝗛𝗔𝗡𝗚 𝗛𝗜𝗡𝗗𝗜 𝗠𝗨𝗟𝗜𝗡𝗚 𝗞𝗔𝗕𝗜𝗟𝗔𝗡𝗚 𝗔𝗡𝗚 𝗕𝗜𝗚𝗔𝗦 𝗦𝗔 𝗠𝗚𝗔 𝗦𝗜𝗦𝗜𝗣𝗔 𝗦𝗔 𝗣𝗥𝗘𝗦𝗬𝗢 𝗞𝗔𝗦𝗨𝗡𝗢𝗗 𝗡𝗚 𝗛𝗢𝗟𝗜𝗗𝗔𝗬 𝗦𝗘𝗔𝗦𝗢𝗡 𝗖𝗘𝗟𝗘𝗕𝗥𝗔𝗧𝗜𝗢𝗡

Inaasahan ngayon ng mga consumers sa Dagupan City na hindi na muling mas tataas pa ang presyuhan sa bigas pagkatapos ng onti-onti nang nararanasang pagsipa sa presyo ng ilang mga pangunahing bilihin kasunod ng pagdiriwang ng holiday season.
Nananatiling mataas ang kada kilong presyuhan sa bigas kung saan nasa singkwenta pesos at mahigit ang may magandang kalidad habang nasa 47 hanggang 48 pesos naman ang kada kilo ng regular milled rice.
Ayon sa ilang rice retailers, maging sila ay nababahala sa maaaring pagsipa sa presyo nito sa mga susunod na araw dahil kawawa rin daw talaga ang mga consumers kung hindi makaavail ang mga ito dahil sa high price ng produkto.
Dagdag pa ng mga ito, na gusto man daw nilang babaan ay kanila ring ikakalugi dahil mataas ang farm inputs.
Sa mga pampublikong pamilihan, ramdam na ng mga mamimili ang paggalaw sa presyo ng mga karne ng baboy at manok.
May pagtaas na ng nasa sampu hanggang bente pesos sa kada kilo ng karne habang sa manok, ilang mga vendors ay nagtaas na rin ng nasa lima hanggang sampung piso sa kada kilo rin nito.
Samantala, nananatili ring mataas ang mga SRP ng noche Buena items habang sa ngayon ay hindi pa dagsa masyado ang prutas section sa merkado. |𝙞𝙛𝙢𝙣𝙚𝙬𝙨