Binalangkas sa naganap na Regional Management Council Meeting ng Department of Agriculture (DA) Regional Field Office 1 ang mga isyung kinakaharap ng livestock sector ng rehiyon.
Isa sa pangunahing isyu ang African Swine Fever na nakakaapekto sa ilang barangay sa rehiyon.
Ayon sa ahensya, patuloy na inaagapan ang pagkalat nito sa pamamagitan ng pakikipag-ugnayan sa mga task force at ilang livestock groups. Nabanggit din sa naturang pagpupulong ang kalagayan ng mga mangingisda sa Pangasinan ukol sa tunggaliang nagaganap sa West Philippine Sea.
Siniguro ni Regional Director Rosario Gaerlan na hindi apektado sa naturang isyu ang mga mangingisda ng Region 1.
Kaugnay nito, tiniyak din sa naturang pagpupulong ang pakikiisa ng iba pang ahensya upang makapagbigay ng kalidad na serbisyo at tulong sa publiko sa panahon ng krisis. |𝙞𝙛𝙢𝙣𝙚𝙬𝙨
