𝗠𝗚𝗔 𝗠𝗔𝗚𝗨𝗟𝗔𝗡𝗚 𝗦𝗔 𝗗𝗔𝗚𝗨𝗣𝗔𝗡 𝗖𝗜𝗧𝗬, 𝗗𝗢𝗕𝗟𝗘 𝗔𝗡𝗚 𝗣𝗔𝗚 𝗜𝗜𝗡𝗚𝗔𝗧 𝗦𝗔 𝗠𝗚𝗔 𝗔𝗡𝗔𝗞 𝗗𝗔𝗛𝗜𝗟 𝗦𝗔 𝗞𝗨𝗠𝗔𝗞𝗔𝗟𝗔𝗧 𝗡𝗚𝗔𝗬𝗢𝗡𝗚 𝗥𝗘𝗦𝗣𝗜𝗥𝗔𝗧𝗢𝗥𝗬 𝗔𝗧 𝗜𝗡𝗙𝗟𝗨𝗘𝗡𝗭𝗔 𝗟𝗜𝗞𝗘 𝗜𝗟𝗟𝗡𝗘𝗦𝗦𝗘𝗦 𝗦𝗔 𝗕𝗔𝗡𝗦𝗔

Doble ang pag-iingat ngayon ng mga magulang sa Dagupan City para sa kanilang mga anak dahil sa kumakalat na respiratory at influenza like illnesses ngayon sa bansa.

Sa pagdami ng mga nagkakasakit ngayon ng respiratory at influenza like illnesses, sinisiguro umano ng mga magulang na may proteksyon ang kanilang mga anak sa pagpasok sa paaralan at pakikihalubilo sa labas ng kanilang mga bahay.

Inuugali na umano ng ilan sa kanila ang pagbabalik suot ng face mask at maging pagsabit sa mga bag ng mga anak ng mga mini hand sanitizers nang sa gayon ay may panlabas sa mga mikrobyo at bacteria na maaaring makapasok sa katawan ng mga bata.

Tinitigan at sinusuri na rin umano nila ang mga babaunin ng mga bata sa eskwela lalo at pinakaimportanteng kumpleto sa kain ang mga ito para malakas ang resistensya.

Nagbilin at nagpaalala naman ang health authorities ukol sa kahalagahan ng pag inom ng mga bitamina para magbigay proteksyon sa resistensya at makaiwas sa mga sakit na kumakalat ngayon.

Sa ngayon, sariling disiplina na ang karamihan kung saan balik face mask sila sa tuwing lalabas ng kanilang mga bahay. |𝙞𝙛𝙢𝙣𝙚𝙬𝙨