𝗠𝗚𝗔 𝗣𝗨𝗩 𝗗𝗥𝗜𝗩𝗘𝗥𝗦 𝗦𝗔 𝗣𝗔𝗡𝗚𝗔𝗦𝗜𝗡𝗔𝗡, 𝗣𝗔𝗧𝗨𝗟𝗢𝗬 𝗔𝗡𝗚 𝗣𝗔𝗡𝗔𝗪𝗔𝗚𝗔𝗡 𝗦𝗔 𝗣𝗔𝗚𝗕𝗔𝗕𝗔 𝗡𝗚 𝗣𝗥𝗘𝗦𝗬𝗢 𝗡𝗚 𝗣𝗘𝗧𝗥𝗢𝗟𝗬𝗢

Sa muling pagtaas ng presyo ng produktong petrolyo patuloy ang panawagan ng mga Public Utility vehicle drivers sa Pangasinan ang pagbaba nito.

Ayon sa mga jeepney drivers na nakapanayam ng IFM News Dagupan, hirap ang mga ito dahil sa malaking kabawasan sa maiuuwing kita sa kada araw dahilan ang dagdag-singil sa presyo ng langis.

Apektado rin daw ang kanilang kita bunsod ng sunod-sunod o madalas na pagkansela ng klase sa lalawigan dahil sa mga bagyo.

Anila, mahirap daw ang pagtaas at pagbaba sa oil price dahil hindi umano nagiging matatag ang kanilang kita.

Kahapon, ilang oil companies ang nagpatupad ng bigtime oil price hike na umaabot sa higit dalawang piso ang pagtaas sa kada litro. |𝙞𝙛𝙢𝙣𝙚𝙬𝙨