Hindi sang-ayon ang hanay ng National Parents Teachers Association sa mga kaliwat kanang face-to-face classes suspension na ipinatupad ngayong mainit na panahon.
Hindi umano kasi maiiwasan na maapektuhan ang kalidad ng edukasyon para sa mga estudyante.
Sa naging panayam ng iFM News Dagupan kay NPTA Executive Vice President Lito Senieto, sana ay pag-isipang mabuti ng mga LGU at mga opisyales ng mga paaralan bago magdeklara ng suspensyon.
Ayon sa opisyal pwede naman umanong mag sakripisyo na lang ng kaunti ang mga guro at mga estudyante dahil malapit naman na ang pagtatapos ng school year.
Nagpanukala naman ito na sana ay ibalik ang pagtatanim ng mga puno sa mga paaralan upang mas maging presko ang mga eskwelahan para sa mga estudyante at mga guro. |𝙞𝙛𝙢𝙣𝙚𝙬𝙨
