𝗢𝗨𝗧𝗗𝗢𝗢𝗥 𝗔𝗖𝗧𝗜𝗩𝗜𝗧𝗜𝗘𝗦 𝗦𝗨𝗦𝗣𝗘𝗡𝗦𝗜𝗢𝗡 𝗠𝗨𝗟𝗔 𝟭𝟬𝗔𝗠 𝗛𝗔𝗡𝗚𝗚𝗔𝗡𝗚 𝟯𝗣𝗠 𝗦𝗔 𝗕𝗔𝗬𝗔𝗡 𝗡𝗚 𝗠𝗔𝗡𝗚𝗔𝗟𝗗𝗔𝗡, 𝗞𝗔𝗦𝗔𝗗𝗢 𝗦𝗜𝗠𝗨𝗟𝗔 𝗡𝗚𝗔𝗬𝗢𝗡𝗚 𝗔𝗥𝗔𝗪

Epektibo simula ngayong araw, April 5 ang kautusang mula sa lokal na pamahalaan ng Mangaldan kaugnay sa pagsusupinde ng lahat ng outdoor activities sa bayan bunsod ng nararanasang matinding init ng panahon.

Sa bisa ng EO no. 2024-020, s. 2024, mula sa tanggapan ng alkalde ang kautusang hindi papayagan kabilang ang sports, programs, festivities mula alas diyes ng umaga hanggang alas tres ng hapon sa buong bisinidad ng Mangaldan.

Matatandaan na malimit na naglalaro sa 42 hanggang 44 degree celsius ang naitatalang heat index ng DOST-PAGASA sa Pangasinan at pasok ito sa ilalim ng Danger Category.

Layon nitong maprotektahan ang mga residente sa bayan sa posibleng mga sakit na maaaring maidulot ng nagpapatuloy na mainit na panahon. |𝙞𝙛𝙢𝙣𝙚𝙬𝙨