Patuloy ang pagbabantay sa mga pangunahing pook pasyalan sa Alaminos City lalo na pagdating sa seguridad at kaayusan nito dahil sa isa nanamang long weekend.
Tuloy-tuloy ang roving operations ng lokal na gobyerno ng Alaminos City sa pamamagitan ng City Disaster Risk Reduction and Management Office kasama rin ang iba pang staff ng City Health Office at line government agencies sa lungsod na nakaantabay rin sa mga naturang pook pasyalan.
Isa sa patuloy rin na pinalalakas pa sa lungsod ay ang kanilang turismo maging ang mga residente na kasama sa pagpapa-unlad nito.
Samantala, ilan sa mga binisita at binabantayan ang seguridad at kaligtasan na pwedeng bisitahin ngayong long weekend ay ang mga beach at park tulad ng Bolo Beach, Lucap Wharf, Mangrove Park at Hundred Islands National Park. |𝙞𝙛𝙢𝙣𝙚𝙬𝙨
