𝗣𝗔𝗚𝗧𝗔𝗞𝗗𝗔 𝗡𝗚 𝗣𝗔𝗥𝗧𝗜𝗞𝗨𝗟𝗔𝗥 𝗡𝗔 𝗥𝗨𝗧𝗔𝗡𝗚𝗜𝗜𝗞𝗨𝗧𝗔𝗡 𝗞𝗨𝗡𝗚 𝗠𝗢𝗗𝗘𝗥𝗡𝗜𝗭𝗘𝗗 𝗔𝗧 𝗧𝗥𝗔𝗗𝗜𝗧𝗜𝗢𝗡𝗔𝗟 𝗣𝗨𝗩𝗦, 𝗛𝗜𝗟𝗜𝗡𝗚 𝗡𝗚 𝗧𝗥𝗔𝗡𝗦𝗣𝗢𝗥𝗧 𝗚𝗥𝗢𝗨𝗣 𝗦𝗔 𝗥𝗘𝗚𝗜𝗢𝗡𝟭

Isa sa hinihiling ngayon ng transport group sa buong Ilocos Region ay ang pagtatakda ng partikular na rutang iikutan ng modernized at traditional na mga pampasaherong sasakyan.
Kung bakit ay dahil nakokompromiso umano ang viability ng mga pampublikong sasakyan lalo na at nagsidatingan at operational na ang mga modernized public utility vehicles o PUVs.

Tiyak daw na kadalasan sa mga pasahero ay sa mga modernized jeepney ang pipiliing sasakyan dahil sa taglay nitong mga features tulad ng pagiging air conditioned.

Ani ng representante ng nasabing transport group sa rehiyon, kung nasa iisang ruta o bahagi sa kakalsadahan ang dinadaanan ng mga parehong modernized at traditional ay magkakatalo pagdating sa bilang ng mga commuters na kanilang maisasakay kaya naman hiling nila ang partikular na rutang nararapat o itatakda depende kung modernized o hindi.

Samantala, sa lalawigan ng Pangasinan, kaugnay pa rin sa umiiral na Jeepney Modernization Program ng pamahalaan, nasa halos 8% pa lamang sa mga PUVs ang upgraded kung saan pinakamarami pa rin ang modernized PUVs sa Lingayen na may 41 units habang nananatili pa ang karamihan sa mga sasakyan na traditional PUVs o hindi pa upgraded. |𝙞𝙛𝙢𝙣𝙚𝙬𝙨