Pinaalalahanan ngayon ng PNP Dagupan ang publiko ukol sa mga maaaring insidente ng pagnanakaw ngayong holiday season.
Talamak ang mga ganitong klase ng modus lalo at maraming pera ang inilalabas ngayon ng mga tao at panay ang punta sa mga malls at pook pasyalan para mag-celebrate ng holiday season.
Payo ni PNP Dagupan Police Lt. Col. Brendon Palisoc, huwag maging kampante lalo na ang mga nasa may business center area ng lungsod sa pagdiriwang ng holiday season.
Maari kasing maging oportunidad ito ng mga may masasamang loob para magnakaw o makapagsagawa pa ng mas nakapipinsilang insidente lalo na sa mga ganitong klase ng selebrasyon.
Sa kabilang banda, tuloy pa rin ang pagbabantay ng hanay ng kapulisan at hindi muna umano magsasagawa ng break dahil sabay din sa holiday season ang fiesta ng Dagupan. | 𝙞𝙛𝙢𝙣𝙚𝙬𝙨
