𝗣𝗢𝗪𝗘𝗥 𝗜𝗡𝗧𝗘𝗥𝗥𝗨𝗣𝗧𝗜𝗢𝗡, 𝗡𝗔𝗥𝗔𝗡𝗔𝗦𝗔𝗡 𝗦𝗔 𝗜𝗟𝗔𝗡𝗚 𝗕𝗔𝗛𝗔𝗚𝗜 𝗡𝗚 𝗨𝗥𝗕𝗜𝗭𝗧𝗢𝗡𝗗𝗢 𝗗𝗔𝗛𝗜𝗟 𝗦𝗔 𝗥𝗢𝗔𝗗 𝗖𝗟𝗘𝗔𝗥𝗜𝗡𝗚 𝗢𝗣𝗘𝗥𝗔𝗧𝗜𝗢𝗡𝗦

Naranasan sa ilang bahagi ng Urbiztondo ang power interruption sa kasagsagan ng pananalasa ng Bagyong Kristine dahil sa isinagawang pagsasaayos ng mga linya ng kuryente at road clearing operations.

Sa panayam ng IFM News Dagupan kay Urbiztondo MDRRM Officer Arlene Muñoz, kinakailangang patayin ang koneksyon ng kuryente upang matapos ang paglilinis sa mga natumbang puno.

Ilan pa sa mga bayan na nakaranas ng power interruption sa lalawigan ay ang Bayambang, San Carlos City, Malasiqui, Lingayen, Binmaley at bahagi ng Agno, Bani, Alaminos City.

Samantala, nakahanda naman ang relief packs para sa mga residenteng naapektuhan ng bagyo. |𝙞𝙛𝙢𝙣𝙚𝙬𝙨