𝗥𝗘𝗚𝗨𝗟𝗔𝗦𝗬𝗢𝗡 𝗡𝗚 𝗣𝗟𝗔𝗦𝗧𝗜𝗖 𝗦𝗔 𝗕𝗔𝗡𝗦𝗔, 𝗜𝗣𝗜𝗡𝗔𝗡𝗔𝗪𝗔𝗚𝗔𝗡 𝗡𝗚 𝗚𝗥𝗨𝗣𝗢𝗡𝗚 ‘𝗕𝗔𝗡 𝗧𝗢𝗫𝗜𝗖𝗦’

Nananawagan ang grupong ‘Ban Toxics’ sa pamahalaan na maregulate ang produksyon ng plastic sa bansa matapos maranasan ang malawakang pagbaha sa Metro Manila.

Sa ekslusibong panayam ng IFM Dagupan kay Ban Toxics, Toxic Campaigner Thony Dizon, pumapalo aniya sa isang milyong tonelado ng plastic wastes ang nakakalat sa paligid taon-taon.

Noong 2021 aniya sa tala ng World Bank, ikatlo ang Pilipinas sa may malaking kontribusyon sa plastic pollution sa buong mundo.

Aniya ni Dizon, kapansin-pansin na lubhang naapektuhan ang mga daluyan ng tubig-baha dahil sa pagbara ng mga plastic.

Sinabi pa ni Dizon, kinakailangang magkaroon ng konkretong solusyon ang gobyerno upang i- regulate ang produksyon ng plastic sa bansa. |𝙞𝙛𝙢𝙣𝙚𝙬𝙨