Nagpakawala ng tubig ang San Roque Dam, sa San Manuel Pangasinan kahapon.
Nauna nang inabisuhan ng National Power Corporation San Roque Dam Office ang publiko ukol sa Dam Discharge Warning Operation kung saan binuksan ang gate 2A ng 0.5 meters at may pagpapakawala ng aabot sa 53 cubic meters per second.
Ayon kay Ma. Theresa Serra, ang Division Manager of Flood Forecast and Warning under Dam’s Management Department of National Power Corporation, minimal lang ang dam discharge at ito ay bahagi ng kanilang preventive measure upang alalayan ang inflow ni Bagyong Kristine.
Pinag-igting ng mga direktang naapektuhan munisipalidad sa lalawigan tulad ng San Manuel, San Nicolas, Asingan, Tayug, Sta. Maria, Rosales, Villasis, Sto. Tomas, Alcala, Bautista at Bayambang ang kanilang hakbang upang maibsan ang inaasahang epekto ng pagbaha sa mga lugar.
Samantala, mariing hinihikayat ang mga residente na magsagawa na ng pre-emptive evacuation sa posibleng pag-apaw ng tubig sa ilog. |𝙞𝙛𝙢𝙣𝙚𝙬𝙨
