Pinangunahan ng Persons with Disability Affairs Office sa ilalim ng Mangatarem Social Welfare and Development Office ang tatlong araw na seminar patungkol sa Sign Language.
Naniniwala ang tanggapan sa malaking tulong ang aktibidad upang mas maging maayos ang pakikipag-ugnayan sa mga indibidwal na may kapansanan o sa mga may hearing disability.
Layunin ng sign language seminar na isulong ito upang pagbutihin ang komunikasyon sa mga may kapansanan sa pandinig.
Tinalakay sa naturang aktibidad ang pag-unawa sa sign language at mga gampanin nito sa pakikipag-ugnayan maging ang epektibong paggamit nito sa nakababatang grupo.
Katuwang ang ilang learning providers, lokal na pamahalaan ng Mangatarem at buong pwersa ng Municipal Social Welfare and Development Office naging matagumpay ang pagsasagawa ng sign language seminar sa bayan. |𝙞𝙛𝙢𝙣𝙚𝙬𝙨
