𝗧𝗔𝗠𝗔𝗡𝗚 𝗢𝗥𝗔𝗦 𝗡𝗚 𝗣𝗔𝗚-𝗜𝗡𝗢𝗠 𝗡𝗚 𝗧𝗨𝗕𝗜𝗚 𝗡𝗚𝗔𝗬𝗢𝗡𝗚 𝗠𝗔𝗜𝗡𝗜𝗧 𝗔𝗡𝗚 𝗣𝗔𝗡𝗔𝗛𝗢𝗡, 𝗜𝗣𝗜𝗡𝗔𝗔𝗟𝗔𝗟𝗔 𝗦𝗔 𝗣𝗨𝗕𝗟𝗜𝗞𝗢

Nagbigay paalala sa publiko ang tanggapan ng Pangasinan PDRRMO ang ukol sa tamang oras ng pag-inom ng tubig lalo ngayong mainit ang panahon.

Maganda umano kung magkakaroon ng tamang hydration sa pangangatawan para siguradong hindi mabibiktima ng mga heat related illnesses tulad ng heat stroke.

Mas mainam umano kung iinom ng tubig tuwing pagkagising sa umaga, tatlumpung minuto bago kumain, bago maligo, habang kumakain ng pananghalian, tatlumpung minuto bago maghapunan, at bago matulog sa gabi.

Sa regular na pagsunod nito ay makatutulong umani para maiwasan ang dehydration.

Sa ngayon, patuloy pa rin nakararanas ng matataas na heat indices ang ilang bahagi ng lalawigan ng Pangasinan. |𝙞𝙛𝙢𝙣𝙚𝙬𝙨