β
βCauayan City – Pinagtulungan ng Technical Education and Skills Development Authority (TESDA) Isabela at ng pamahalaang bayan ng Santa Maria, Isabela ang pagpapalakas ng kasanayan at kabuhayan ng lokal na pottery community.
β
βAyon kay TESDA Provincial Director Vilma Cabrera, kinilala ang pottery bilang prayoridad na kasanayan dahil sa potensyal nito sa paglikha ng trabaho at pagpapasigla ng ekonomiya sa Santa Maria.
β
βKasama sa plano ang pagbuo ng Competency Standards upang masiguro ang kalidad at pagsunod sa pamantayan ng industriya.
β
βBinanggit ni Cabrera na mahalaga ang malapit na koordinasyon sa LGU upang maihatid ang epektibo at komunidad-based na pagsasanay, habang handa ang TESDA na magbigay ng teknikal na tulong sa pag-develop ng kakayahan ng mga artisan.
β
βSuportado naman ni Mayor Michael Abraham G. Pagauitan ang pagtatayo ng LGU-run Training and Assessment Center na magiging sentro ng pagsasanay, assessment, at certification para sa mga local artisans.
————————————–
βPara sa update at iba pang mga balita, bisitahin ang aming facebook page 98.5 iFM Cauayan at ang aming website, www.rmn.ph/985ifmcauayan.
β#985ifmcauayan
β#idol
β#numberone
β#ifmnewscauayan
